Ayera y tambe pa otro siman departamento di impuesto tabatin un findishi planea di e inventario di InselAir Aruba pa motibo di un debe di 2.2 miyon florin na impuesto. Sinembargo nan a posponi esaki.
Tin negociacionnan andando entre e compania di avion y departamento di impuesto pa yega na un solucion. Esaki no ta e prome biaha: durante e caso den corte aña pas di e trahadonan contra e compania, a sali cla cu e compania ta debe e departamento di impuesto basta placa tambe. Pero e momento ey tabatin un areglo pa InselAir Aruba poco poco por paga nan debe di impuesto y tambe primanan atrasa. E compania ta den problema financiero mas grandi desde e flota a keda ground na januari. E aerolinea a declara cu esaki tin di haber cu e debe pero departamento di impuesto ta desmenti esaki. Departamento di Aviacion Civil di Aruba (DCA) a informa Bon Dia Aruba cu e debe ta un di e motibonan pa ground. Pero tambe tin otro manera e parti tecnico y di siguridad.
