Figuranan prominente di politica, farandula y hasta deporte a dirigi un carta habri na prome minister Hulandes, Mark Rutte, solicitando pa e tene consideracion na momento cu tuma un decision tocante placa di alivio pa e islanan den Caribe.
E carta ta lo siguiente:
“Apreciado minister-presidente, querido Mark,
E shock externo di Corona a afecta hopi Hulandesnan den bon situacion hopi duro, y pa suerte nos tin medionan pa cu hopi dificultad tene nos mes ariba. Nos partnernan di reino den Caribe a haya tres di e shocknan externo fuera di nan influencia: horcan, un pais bisiña Venezuela totalmente den collapse, y riba dje e coronavirus. Y despues ainda na Corsou, Aruba y St. Maarten (islanan CAS) ta bay over di economianan na escala chikito di e islanan, cual di naturalesa ya caba ta vulnerabel y enormemente dependiente riba turismo. E miseria social y economico riba e islanan ta casi no manehabel mas. Decenas di miles di famianan ta biba di e banconan di cuminda, e desempleo formal y informal ta yegando 30 pa 50%.
Hulanda a sali den e prome tres luna di corona-crisis y a pone condicionnan fuerte riba su ayudo. Esey riba e islanan tambe ta considera logico. Tin hopi pa reforma y mehora den economianan y sociedad di e islanan.
Riba dia 3 di juli proximo, Conseho di Minister di Reino lo tuma un decision riba e continuacion di ayudo di corona di Hulanda pa e islanan CAS. Nos ta urgi pa bo tuma e decision aki cu compasion, di un banda un curason cayente y di otro banda un cabes friu. E compasion ta papia di su mes, hopi hende riba e islanan no tin nada mas. Nos mester yuda nan. Pero tambe e cabes friu ta hopi importante. Condicionnan ta na su luga, pero permiti e islanan dicidi conhunto y sigura cu pa proximo eleccion, tur hende sa di duna e solidaridad y legalidad den reino un balor grandi. Organisa e ayudo di manera cu, di un banda, esunnan menos privilegia riba e islanan experimenta e balor agrega di e relacion di reino, y di otro banda, fortalesa e structura economico di e islanan.
Tabatin desaroyonan positivo andando na e islanan, como ecologisacion y turismo cultural/Unesco. Y hopi mas ta posibel, cu e combinacion di profesionalismo y un curason calido den ambos banda di e relacion di reino.
Nos ta haci e yamado aki den nomber di hopi na Hulanda,
Jandino Asporaat, Hans de Boer, Roger van Boxtel, Glenn Helberg, Ernst Hirsch Ballin, Tania Kross, John Leerdam, Churandi Martina, Ed Nijpels, Alexander Pechtold, Jorgen Raymann, Paul Rosenmoller, Clemence Ross, Nout Wellink, Herman Wijffels.”
