(AP) – Un di e eventonan mas fotografia na mundo lo cuminsa awe cu e ascension en masse di color pa e di 52 Albuquerque International balloon Fiesta anual.
E evento di 9 dia ta atrae miles di spectador y piloto na New Mexico tur aña pa e oportunidad poco comun di ta sumamente cerca di blaasnan gigante cu ta desenpaca y infla. Centenares di blaas unico ta dorna e shelo cu colornan vibrante.
Tur hende usualmente ta cubri nan mes bon pa proteha nan di e friu cu ta sinti mainta y cu ta yuda e pilotonan keda den aire pa mas tempo, sinembargo e aña aki su fiesta por ta esun mas caluroso den record segun e organisadornan.
E temperaturanan di mainta y merdia ta anticipa di ta mas cu e averahe pa algun dia den e ciudad cu riba dialuna a mira su temperatura mas caluroso di e aña cu 93 grado Fahrenheit segun National Weather Service.
Globalmente, cosnan ta birando mas caluroso tambe. E ta hopi probabel cu e aña aki lo ta esun mas caluroso cu humanidad a yega di midi, segun servicio di clima Europeo Copernicus a reporta den comienso di september.
Mientras cu e fiestanan den pasado tabatin un dia caluroso aki aya, e vocero Tom Garrity a bisa cu e pronostico pa e calor prolongo ta poco comun. Pa e pilotonan, esaki por nifica menos tempo den shelo y carga menos peso den nan basket.
Tipicamente, ora cu e mainta ta fresco, menos gasolin ta necesario pa lanta e blaas. Veteranonan di Fiesta ta splica cu esaki ta trata genera e lift pa edio di keinta e aire dentro di e envelop na temperaturanan cu ta mas di loke tin pafo.
“Cu tempo mas frio, pilotonan por bula pa un duracion mas largo,” Garrity a bisa. “Pero ora bo tin temperatura mas caluroso, e ta nifica cu bo ta subi, keda un poco y bo ta bini back abao. Pues e ta cuestion di vuelonan mas cortico.”
