Ex Parlamentario Melvin Tromp a tuma nota di e desaroyonan cu ta tumando luga pa loke ta Fundacion Lotto Pa Deporte cu awe lo trata e caso cu Minister Dangui Oduber(MEP) lo a entama contra di e miembronan di directiva di FLPD. Sr. Tromp ta accentua cu lamentablemente por a ripara cu e falta di experencia di e mandatario encarga no ta comprende kico ta e proceso y cu de facto e mester por sa pa tene su mes na dje pasobra segun informacion cu a ricibi lo a dirigi un carta di retiro di Destefano Wernet como Contado Registra como miembro di comisario mientras cu Wernet ta Director di FLPD.
Sr Dangui Oduber a hay’e ta trek su decision aden via di retira sr. Wernet pa motibo cu el a comete un blunder y en bista cu e caso di kortgeding lo wordo trata awe den Corte mester bira un punto di atencion pa e Hues cu lo atende e caso aki pa loke ta e deseo di Sr Dangui Oduber como Ministro y su consehero nan.
Segun sr. Tromp como vocero di e fraccion di AVP,e ta alerta cu esunnan di MEP y Ministro Oduber cu ta insisti pa e miembronan di Raad tuma nan retiro ta muestra cu nan intencion ta simplemente pa por reactiva e fiesta den Lotto pa Deporte pasobra nos a haya informacion concreto cu un biaha mas ta trata di famia y amigonan pues Friends & Family Segun sr. Tromp tur cos ta mustra cu lo a te hasta gaña e hues cu a prohibi e gobierno nobo pa nombra e miembro di raad en bista cu lo a contesta Hues cu e gobierno actual lo a nombra su miembronan nobo mientras cu a haci esaki dia 10 di januari ultimo, esaki ta un falta di respet gañando nos Huesnan y remarcabel ta cu e tema aki desde ocho pasa a inicia e proceso pa cambio den e statutonan pa evita di e forma aki cu fechoria ta bolbe ripiti den Lotto haciendo FLPD, MEP-proof.
Segun sr. Tromp tur cos ta indica cu e intencion di e Ministro encarga cu deporte y salubridad ta pa nombra amigonan y famia pasobra a haya ta bon pa nombra suegro di un parlamentario di MEP y indicacionnan ta mustra cu un señora di un actual Ministro tambe lo a wordo nombra cu un salario di Awg di 2000 pa luna despues cu hues a prohibi cualkier nombramento y esaki ta e motibo cu e Ministro ta insisti e retiro di e otro miembronan di raad hunto cu e Director. E caso aki lo ta uno hopi interesante si nos kier salvaguardia FLPD y evita cu e fechoria nan ta bolbe ripiti bao di e capitulo di Friends & Family. Fundacion Lotto Pa Deporte ta hibando un maneho transparente y cu retorno nan financiero faborabel pa loke ta regarda entradanan di e Fundacion aki. Sr. Tromp ta bisa pa conclui, cu nos sistema di derecho cu e caso aki mester wordo considera un eye opener pa evita fechoria un biaha mas ripiti
