Di parti di henter e team di Bon Dia Aruba, nos ta desea tur e mama nan na Aruba un feliz dia di mama riba nan dia. Akinan por lesa un bunita poema skirbi door di autor Omaira Rodriguez Britten titula ”Muher E Ser Yama Mama”
” MUHER E SER YAMA MAMA.”
Den bida di cada ser humano tin un storia
cu ta refleha e sentimento pa por madura
ta cuminsa forma den e barica di un mama
momento di tin e contacto cu su yiu stima.
Cada biaha ora un mama caricia su bariga
sintiendo con su criatura ta move o ta bula
ta sinti afecto mutuo transpasa den e curpa
pa cuminsa busca e forma pa haya caminda.
Tin mama cu ta pasa malo sin por descansa
pero pe no tin strobashon pa e por alcansa
e ora tan spera unda ta bai conoce su fruto
cu ela carga nuebe luna prepara pa e parto.
E momento di duna lus ta haci un impacto
na unda un mama cla ta bai ricibi contento
den brasa su criatura recien naci cu e grito
pa drumi cerca su mama pa sikiera un rato.
No tin palabra pa describi e emoshon sinti
cada biaha cu a mira un muher recien pari
un hoben bunita cu su reto grandi den bida
ta cla pa enfrenta lucha diario di un mama.
Muhernan balente cu Dios ta bendishona
carga su yiunan pa asina sigui multiplica
Su mundo tresiendo bida como promesa
unda finalmente su Reino por bin alcansa.
