This image captured on Friday, June 7, 2019 shows a Sept. 4, 2018 post on Facebook cited by the U.S. Food and Drug Administration as promoting an e-cigarette formula without including the required nicotine warning statement. On Friday, the FDA sent warning letters to four companies that used paid social media specialists to pitch their fruity and candy nicotine formulas to their online followers. (AP Photo)

Reguladonan Mericano a move pa disciplina companianan di vaping pa promove nan formula di nicotina cu sabor di forma inapropia mediante e asina yama ‘influencers’ riba Facebook, Twitter y otro rednan social.

E Food and Drug Administration a manda cartanan diabierna na cuater compania cu a uza ‘influencers’ paga riba rednan social pa bende solucionnan di nicotina na nan siguidonan online, incluyendo sabornan manera Watermelon Patch y Strawberry Kiwi.

E post no a inclui e advertencia obligatorio cu e likido di vaping ta contene nicotina, cual ta adictivo. FDA, compaña pa e Federal Trade Comission, a manda cartanan pa Solace Vapor, Hype City Vapors, Humble Juice Co., y Artist Liquid Labs. E companianan no a contesta yamada ni email pidiendo pa comentario inmediatamente.

FTC ta presionando influencers – hende cu hopi siguido riba rednan social cu ta promove producto y servicionan – pa revela ora nan ta wordo paga pa promociona algo.

E accion ta yega mientras FDA y otro agencianan gubernamental ta lucha pa reverti locual nan ta yama un epidemia di uzo di cigaria electronico entre menornan di edad. Investigadonan a vincula e tendencia na un cantidad di video, potret y otro post online tocante vaping, algun di nan genera pa compania, agencia di publicidad, y influencers paga.

Figuranan di gobierno ta mustra casi 80 porciento di crecemento den vaping entre adolescentenan e aña aki, cu 1 den cada 5 studiante di scol secundario reportando cu nan a uza un aparato asina den e luna anterior. Expertonan den salud ta adverti cu nicotina por causa daño na un celebro den desaroyo, y investigacion recien ta mustra cu hopi adolescente no ta na altura cu nan ta consumiendo e kimico adictivo ora nan vape.

E cartanan di FDA no ta menciona Juul, cu ta domina e mercado di sigaria electronico na Merca. E startup di Sillicon Valley ta haya credito pa yuda impulsa un explosion den vaping cu su marketing viral, cual a inclui postnan paga y referencianan di influencers.

Despues di scrutinio fuerte aña pasa, Juul a cera su paginanan di Facebook y Instagram na november. Desde entonces, e compania a cambia su marketing pa enfoca riba humadonan adulto, kende ta interesa pa stop di huma sigaria.