Proyecto di FCCA ta canando cu construccion na varios localidad rond di Aruba. Director di FCCA, Edwin Tromp ta splica tocante algun proyecto cu ta andando y material cu lo pidi di afo cu ta menos costoso.
Tromp a splica cu ta cabando cu construccion di cas na Tanki Leendert. Nan a caba nan prome edificio y a cuminsa cu otro dos patras. Nan a pone piso pa lanta tur dos y cerca di otro.
Na area di San Nicolas tambe tin cas cu ta cla. Ta spera cu hende lo cuminsa haya nan yabi for di awo prome cu december. Tromp tambe a agrega cu tin 71 cas den construccion, cual actualmente tin 5 arma caba y despues ta sigui cu e construccion di infrastructura.
Pa locual ta trata e mantenemento, el a amplia cu ta haciendo mantencion pa proyecto di Savaneta y cu ta bay wordo renoba pa 14 apartamento eynan. Nan ta bay drecha algun di nan pa haci nan mas grandi. E ta bira opcion di 2 camber pa famia cu tin mas grandi cu otro.
“Nos ta bay cuminsa cu e construccion di riolering cu ta core na Seroe Patrishi te cu e stadion di RCA. E casnan, 36 total, lo ta pega cu e riolering”, Tromp a splica.
“Pa otro aña nos tin wardando aprobacion di diferente departamento DIP, DOW pa asina nan tin di Canashito, Savaneta y Rooi Bosal.” Ademas, Tromp tambe a comparti cu nan a bay bishita un fabrica na Bogota pa asina busca un miho prijs pa material di construccion. Esey ta pa baha e prijs di construccion mas cu por.
Nan a bishita e compania na Bogota cu ta traha plachi di cement cu fiber. “Tin cu bisa cu e prijs cu a wordo duna ta atractivo. E tin su detaye cune tambe, manera hiba e container di Bogota pa Cartagena despues, pa e material bin cu barco cu ta haci e servicio ey”, el a expresa.
Segun Tromp, tempo na Hulanda 2 aña pasa e tabata e mesun indicacion. A topa cu compania pa bishita. Finalmente a yega na acuerdo pa trece material cu cual ta trahando cas cu tin na San Nicolas y Tanki Leendert, cu e prijs mas abou cu e mercado lo a duna si a haci construccion normal.
Cu e materialnan ey cu a busca for di Hulanda, nan a traha edificio di 2 pa 3 piso. Pa esun di Colombia, si yega asina leu, e ta bira un cas individual di diferente grandura, pero lo principal ta cu e material mester ta bon.
Tromp ta bisa cu e material tin cu cay bou exigencia di Aruba pa construi un cas. , nan tin cu pasa un faceta pa keur, DOW, bombero, pa pasa tur norma pa asina cumpli cu tur cos ‘mester pasa e trayecto aki’.
Pa e material di Colombia, a topa cu compania cu ta traha cu e material y compania aki pa traha cas. Nan tambe a pasa e mesun proceso pa asina por obtene e permiso di construccion.
