Pa combati criminalnan cibernetico cada bes mas peligroso, agentenan di cumplimento di ley ta trahando pa ‘desmantela nan infrastructura’ y tuma e hermentnan necesario cu ta permiti nan ehecuta nan atakenan devastado, segun director di FBI, Christopher Wray a bisa ayera.
Criminalnan no sofistica awendia tin poder pa paralisa hospital henter, negoshi, y departamentonan di polis, Wray a bisa durante un conferencia riba siguridad cibernetico na Boston College. E menasa cada bes cambiando a forsa cumplimento di ley pa ta creativo y enfoca riba e website den ‘dark web’ y otro hermentnan a disposicion di hackernan, el a bisa.
Merca a mira un aumento di casi 40 porciento den atake ransomware (secuestro cibernetico) entre 2018 y 2019, segun Joseph Bonavolonta, cabesante di oficina di FBI na Boston. Tabatin un aumento mas dramatico ainda den e unico cuatro estado – Massachusetts, Maine, Rhode Island y New Hampshire – cu e oficina di Boston ta cubri, el a bisa.
Actornan stranhero, specialmente esunnan di China, tambe ta usa atake cibernetico pa horta investigacion di contratistanan di Defensa y otro companianan pa ‘evita e trabou duro di innovacion’, Wray a bisa, agregando cu e ladronnan ta bira y usa e informacion aki pa competi contra e propio companianan di cual nan a horta.
Wray a insisti riba e importancia di enhuicia criminal cibernetico, hasta na momento cu nan ta pafo di alcance di ley Mericano na luganan manera Rusia, China of Iran, bisando cu criminalnan asina mester para responsabel ‘sin importa unda nan ta’.
E paisnan aki ‘no ta e destinacionnan turistico cu nan tabata y un dia nan lo cay, y ora nan haci esaki, nos lo t’ey. Pasobra FBI tin un alcance amplio y un memoria mas amplio ainda’, Wray a bisa.
Procurador General assistent pa Siguridad Nacional, John Demers tabata entre otro oradornan spera na e conferencia, cual tabata organisa pa FBI y e programa Masters in Cybersecurity Policy and Governance na Woods College of Advancing Studies di Boston College.
