(AP) — FBI a acusa hackernan cu tin conexion cu Corea di Norte den ehecucion di un di e robonan mas grandi den placa cibernetico – conoci como cryptomoneda of crypto – cu ta conoci pa publico, hortando un balor di $1.5 biyon di ethereum for di un firma basa na Dubai.

E robo cu a pasa na comienso di e luna aki, cu Bybit, un di e compania pa intercambia criptomoneda mas grandi di mundo, ta representa un otro caso cu ta inclui un ekipo di hacker cu gobierno di Merca a identifica cu e nomber TraderTraitor y Lazarus Group.

E hackernan ta horta placa di cripto “door di e distribucion di aplicacionnan pa comercio di placa cibernetico cu a ser modifica pa inclui malware cu ta facilita e robo” FBI a declara.

FBI a emiti un aviso cu ta sospecha Pyongyang den e robo

Den un anuncio pa servicio publico online diaranson anochi, FBI a expresa cu nan ta kere cu e hackernan cu tin sosten di Corea di Norte ta “responsabel pa e robo.”

“Actornan di TraderTraitor ta sigui rapidamente y a converti algun di e accionnan horta na Bitcoin y otronan virtual a ser distribui pa miles di adres den varios blockchain,” e FBI a bisa den su anuncio. “Ta spera cu nan lo sigui ta laba y finalmente converti na placa fiat.”

Medio di estado di Corea di Norte no a reconoce ni e robo ni e acusacion di FBI. E mision di Pyongyang na ONU na Geneva no a responde na un peticion di comentario for di The Associated Press.

Robo di Corea di Norte por financia programa di armanan nuclear

Sinembargo, Corea di Norte a horta un cantidad calcula di $1.2 biyon den criptomoneda y otro bienes virtual den e ultimo 5 aña, segun e agencia di spionahe di Corea di Sur. E ta representa un fuente unico di placa stranhero cu ta hopi necesario pa sostene su economia fragil y financia su programa nuclear den meymey di sancionnan intensivo di ONU (Organisacion di Nacionnan Uni) y ceramento di frontera estricto di Corea di Norte durante pandemia di coronavirus.

Un panel de experto di UN a bisa separa cu nan ta investigando 58 atake cibernetico sospechoso di Corea di Norte entre 2017 y 2023 cu a horta mas o menos $3 biyon pa “supuestamente yuda na financia desaroyo di armanan di destruccion masivo.”

Ben Zhou, co-fundador y CEO di Bybit, a reconoce e anuncio di FBI den un post ariba plataforma social X cu link pa un website cu ta ofrece $140 miyon ken cu haya e ladronnan di criptomoneda y por bloki’e pa otro exchange.

Bybit a bisa cu un transferencia di rutina di ethereum, un di e criptomoneda mas popular, for di un cartera friu of offiline a ser “manipula” door di un atacante cu a transporta e criptomoneda na un adres no identifica.

“Ta un hackeo hopi sofistica den contra di cartera friu (cold wallet) via un explotacion di e tipo blind signing, unda e atacante ta crea un interfaz falso cu ta gaña usuarionan, pasobra e ta un copia casi identico di algun plataforma cu ta confia,” Manuel Villegas a skirbi , analista di Julius Baer.

E firma di blockchain analitico Certik a describi e robo como “e robo mas grandi” den historia di transaccionnan blockchain.

E robo a haci cu e prijsnan di criptomoneda ta bahando ultimamente, pasobra inversionistanan tin miedo di hackeo, apesar cu e industria a haya un empuhe cu e eleccion di presidente di Merca Donald Trump. Lider di e industria di Bitcoin a mercadia mas cu $82,000 pa coin diahuebs, mas abao for di $100,000 un luna pasa.

Dubai ta atrae criptomoneda miyonario

Pero te awo, Emirato Arabe Uni a sigui apoya operacionnan di Bybit den su pais. E exchange a haya “aprobacion den principio” for di Seguridad y Autoridat di Commodities di UAE y Autoridad Regulatoria di Assets Virtual di Dubai.

Bybit ta un di varios firma di criptomoneda y miyonario den Dubai, unda videonan di nan cumprando y coriendo ‘supercar’ a bira un genero online ariba su mes. Dubai y UAE no tin impuesto personal of di ganashi di capital, cu por ta un beneficio pa esnan cu ta busca di saca nan placa virtual.

“Entre Juli 2023 y Juni 2024, UAE a ricibi mas cu $30 biyon den criptomoneda, poniendo e pais den e top 40 global,” un rapport di firma blockchain Chainalysis cu ta basa na New York a bisa na october.