Autoridadnan ta investigando si e sospechoso Neo Nazi cu a wordo acusa di a tira su auto riba un grupo di manifestante a planifica esaki riba su mes of cu apoyo di otro hende. Fox News a reporta cu un representante di departamento di husticia a caba di habri un investigacion federal riba derechonan civil relaciona cu e atake, cual a laga un morto y 19 herido na Charlottesville.
“E investigacion no ta limita na e chauffeur. Nos lo investiga si otronan por a ta envolvi den planificacion di e atake aki,” e oficial a bisa, agregando cu cargonan di terorismo domestico tambe ta posibel.
