Tabata dialuna dia 20 di juni ultimo pa 10:50pm cu N.V. ELMAR a ricibi yamada di varios hotel relaciona cu interupcion den suministro di coriente. Tecniconan a cuminsa mesora cu e proceso di “troubleshooting” pa asina por logra duna coriente bek mas pronto posibel na tur esunnan afecta, asina Jonathan van der Linden, specialista di mantencion di N.V. ELMAR a splica.
Ya pa algo menos di 2 ora despues di e prome yamadanan, pa 1:15am, e tecniconan a logra reestablece e suministro di coriente pa Divi Phoenix Resort, The Mill Resort y algun otro hotel, como tambe pa e areanan afecta na Washington, Bubali y Boegoeroei.
E tecniconan a sigui traha henter marduga y alrededor di 5:30am a bin constata cu loke a causa e interupcion di suministro di coriente tabata un fayo den un kabel di señal entre dos stacion principal di N.V. ELMAR.
Jonathan van der Linden a agrega cu N.V. ELMAR ta den proceso di instalacion di ekiponan innovativo automatisa cu lo preveni incidentenan manera esun cu a tuma luga dialuna. E sistemanan nobo ta manda señal di fayonan manera esun cu a tuma luga y tecniconan por tuma accion den un tempo hopi cortico pa remedia e situacion.
 (1).JPG "Relaciona cu mal tempo den e dianan aki: Elmar ta pidi comprension den caso di interupcion")
.JPG "Coby Geerman Sindicato UEA: Mañan ta haya sa si empleadonan ta wordo paga")
