Industria di funeraria ta rekeri reglanan
(NLTimes) – Pa algun, e ta un soño cu a bira realidad y pa otronan esaki ta trece mas sufrimento. E prome entieronan unda e fayecido cu e ayudo di inteligencia artificial por duna un speech of papia cu e invitadonan no ta escena cu ta mira den peliculanan di ficcion so mas,
Aunke progreso den e area aki te ainda ta avansando, e industria di funeraria Hulandes BGNU ta adverti cu tin cu introduci mas regla den trata cu e persona virtual cu a fayece.
Aña pasa a bira posibel pa un famia di England por papia cu e wela cu a fayece na su propio entiero. Sinembargo, esaki a pasa cu e clon digital di e wela. Esaki a resulta de un espectaculo den cual e clon di e fayecido a duna un speech chikito durante su entiero y a papia cu e personanan presente. Ora cu tabata haci pregunta, e clon tabata cuminsa conta anecdota di e bida di e wela cu te hasta algun di esunnan presente no tabata sa.
E moda di despedida virtual a ricibi sosten y cada biaha ta ser desaroya mas pa e companianan di tecnologia pa un tempo caba. Por ehempel, Microsoft a desaroya un chatbot cu ta crea efectonan similar na bida di e persona fayecido pa medio di extrae data di e persona su mensahenan di rednan social y potretnan. Ademas, Amazon, cu su assistent activa cu bos Alexa, a logra imita e stem di tal manera cu e personanan na bida por papia cu e fayecido.
BGNU ta conseha pa e personanan cu kier ser representa pa un chatbot of clon digital despues cu nan fayece mester specifica esaki den nan testament. Sinembargo, director Brigitte Wieman di BGNU tin duda pa cu e desaroyo aki y ta enfatisa cu “mester tin reglanan pa regula e derechonan. Paso ken ta permiti determina ki data, mensahe of potret di e persona ta ser usa pa inteligencia artificial despues di su morto? Mester tin un investigacion tocante esaki,” Wieman a declara. Segun BNGU, inteligencia artificial ta haci hopi posibel, “pero nos mester kier esaki? E ta bira problematico ora un persona no por laga bay di un persona cu a fayece.”
