FAVI ta yuda y guia e personanan cu ta ciego y cu limitacion di bista, cu e meta pa contribui na nan alegria di bida. Alegria di bida ta nifica, saca e persona for di su isolacion pa e por biba un bida mas alegre, pa nan tin contacto social y pa nan bida por tin sentido.
FAVI su funcion ta pa brinda guia na mucha entre 0 te cu 18 aña cu tin problema cu bista, tambe nan taguia e docentenan, e mayornan y otro educadornan na scol, pues den ramo di educacion nan ta percura pa ofrece informacion tocante problema di bista. Ademas, nan ta guia e mucha den cualkier scol cu e mucha aplica p’e.
Na aña 2024 Fundacion Arubano pa esnan Visualmente Incapacita (FAVI) ta cumpli 50 aña brindando servicio na e comunidad di Aruba, pero muy en particular e personanan cu limitacion di bista den nos comunidad.
Pa nos por celebra 50 aña de existencia cu nos clientenan, boluntario, trahado y comunidad nos ta organisando un fundraising Bingo.
Meta di e Bingo ta pa logra bende 3000 ticket pa:
Recauda fondo pa cu nos celebracion di 50 aña.
Celebra esaki cu nos comunidad den un forma familiar.
Trece nos Fundacion mas cerca di comunidad.
Keda informa nos comunidad tocante di e servicionan di FAVI.
Bingo ta bay ta presenta door di Bingo Aruba diasabra 25 november 2023 pa 7pm y ta bay ser transmiti na diferente medionan di comunicacion y rednan social.
Den Bingo ta bay tin 10 wega cu diferente premionan, pa e motibo aki nan ta invita tur fiel hungado di Bingo, famianan di FAVI, comunidad completo forma nan grupo y pasa un diasabra agradabel hungando Bingo cu FAVI y asina aportando na un bon causa cu chens di gana hopi premio.
FAVI kier a gradici tur nan sponsernan cu ta contribuyendo na nan Fundraising Bingo. Sin boso ayudo e Bingo aki no lo bira un realidad.
