Durante fin di siman cu a pasa e mobilisacion di diferente structura di FARC pa zona y punto temporal di normalisacion a finalisa, cu yegada di e ultimo grupo di 300 integrante di FARC na Agua Bonita, na Cáqueta. 

Javier Antonio Perez, hefe di observacion internacional di mision ONU na Colombia y coordinador di Mecanismo di Monitoreo y Verificacion (MM&V), a bisa cu yegada di integrante di frente 3, 14, y 15 di FARC, nan tin awor 6900 homber y muhe agrupa caba.

Operacion a inicia 28 di januari ultimo, cu desplasamento di structura di FARC desde 36 zona di pre-agrupamento temporal, pa 19 zona y punto di transicion. E recorido aki ta e mesun recorido total di 8700 kilometer cu a nan a cana, y a bay cu auto y boto, cu acompañamento di MM&V y forsa arma publico. “E actividad aki ta nifica un esfuerso logistico y operativo cu nan a logra danki na coordinacion di MM&V hunto cu Farc, comando strategico di transicion, polis special pa paz y oficina di Alto Comisionado pa Paz.

Perez Aquino a reconoce cu tabatin poco preparacion na mayoria di zona pero a califica di positivo e decision di FARC di drenta na e lugarnan manera condicion tabata, pasobra nan presencia na e lugar ey “ta reduci e posibilidad di contacto arma”.

“Nos ta spera cu e actividad aki por impulsa otro trabao den proceso di paz, pa construccion di campamento na diferente zona, cu obheto di crea tur condicion pa continua cu proceso cu lo hiba integrante di FARC pa drenta den un bida social, economico y politico na e pais”, Perez Aquino a splica. Cu condicion logistico apropia den e campamentonan, por ta posibel pa continua e proceso di bandona arma, y bao supervision di ONU na Colombia. “Nos ta sigur cu e proceso aki mester consolida otro aspecto di e acuerdo final, por ehempel un apoyo logistico, condicion di seguridad huridico, fisico y socio- economico cu por mehora transicion di FARC pa bida civil”, e hefe di mision a splica.

Finalmente a bisa cu nan a duna un paso hopi importante cu ta confirma e compromiso y confianza den e di dos parti. “ Awe nos tin un desafio di logra cu e proceso ta sigui cana, pa cuida y fortalece e confianza entre tur partido y henter sociedad pa logra paz”.