Miembro di bloki sur di Forsa Armada Revolucionario di Colombia (FARC) a inicia nan marcha pa Zona Veredal Transitorio di Normalisacion (ZVTN), mesun ora cu nan a denuncia e no cumplimento di banda di gobierno tocante tur condicion necesario pa e desplasamento ey.
FARC a inicia marcha pa Zona Veredal Transitorio di normalisacion (ZVTN) na Colombia, a pesar di tur adversidad presente manera “no cumplimento di gobierno cu condicion necesario den area di abastecemento di alimento, menasa di paramilitar y negociacion constante”, den comunicado Estado Mayor di bloki sur di grupo armado a informa. E comunicado a bisa tambe cu nan lo cumpli cu acuerdo cu nan a firma cu gobierno Colombiano, a pesar di tur menasa pa stop cu tramite special di ley di implementacion, manera e scandal cu a sucede na un celebracion di FARC hunto cu miembro di ONU, entre otro problema cu enemigo kier pa daña proceso di paz.” Farc a bisa cu guerrilleronan di bloki sur a cuminsa cu mobilisacion di e grupo conoci como frente 32,48 y 49, manera mobilisacion di unidad di warda di Estado Mayor pa un luga conoci como La Carmelita, zona rural di municipio di Puerto Asis, na departamento di Putumayo.
Guerrillero ta sali door di riu desde un punto di pre – agrupamiento temporal (Mecaya, Puerto Leguizamo) te municipio di Puerto Rosario y despues cu auto te Puerto Asis, informacion di comunicado a agrega. Sergio Jaramillo, cu ta Halto Comisionado pa paz a mustra un actitud positivo pa mobilisacion di guerrilleronan, cu ta drenta na zona transitorio.
Proceso di paz ta avansa y awo Farc ta drenta na zona veredal. Den proximo dia nos ta spera pa caba cu e operacion aki.” Jaramillo a informa. Dialuna ultimo cerca di mil homber a mobilisa pa zona di verificacion, 928 homber exactamente, cu autobus y boto chikito door di riu. Carlos Cordoba, cu ta gerente di zona veredal a confirma desplasamento di guerrilleronan pa caminda na 26 zona transitorio, cu nan a destina como zona di normalisacion. “Nos ta cana hopi bon, y nos tin un centro di control uni, caminda nos por haci un chekeo di rutanan. Nos tin algun problema y na special cu topico di clima, pa tal motibo nos haci cambionan di auto na caminda, y esey ta e motibo di tardansa di e desplasamento, pero nos ta cumpli”, Cordoba a afirma.
