(AP) – Mayoria di hende no lo pone nan mes como boluntario pa cana den un campo di mina. Prinses Diana a haci esaki, y dos biaha. Riba dia 15 di januari den aña 1997, Diana a cana cu hopi felicidad door di un campo di mina den Angola cu tabata hopi fini, bisti na un visor protector y un jacket diki cu e nomber “The HALO Trust”, cual ta un grupo dedica na kita e bom nan for di area nan di guera anterior. Ora cu el a realisa cu algun di e fotografo nan cu a compaña su persona no a logra saca algun di e potretnan, el a bira y encaresidamente a bolbe haci esaki.

Mas despues, el a reuni cu algun victima di e veld nan aki, unda algun mina te ainda tabata activa y no usa. Un mucha muhe hoben cu a perde su pia pa motibo di e minanan aki, a sinta riba e Prinses su pia.

E imagennan di e dia aki a ser publica den periodiconan y a ser televisa riba television alrededor di henter mundo, poniendo enfoke internacional riba e campana di e tempo ey, di deshaci di e dispositivonan destructivo aki cu te ainda tabata planta bao tera pa decada largo despues cu e conflictonan a caba. Awe, un pacto pa prohibi e uso di campo di mina tin 164 firma.

Esunnan cu a ser toca pa e bida di e maestra di kleuter cu a bira un princes, ta corda di su persona y tur loke el a haci den bista cu pronto ta celebra loke por a ta su 60 ana di bida, recordando tambe e bida complica di e realesa rebelde cu a laga su hueya atras den House Of Windsor.

Diana tabatin “e inteligencia emocional cu a permiti su persona wak tur situacion di un manera mas general y di tur punto di bista, pero tambe di por considera cu cada persona ta un ser humano individual” a ser declara pa James Cowan, un general retira ken aworaki ta CEO di The HALO Trust. “E tabata sa cu e por a yega na e curason di hendenan na un manera cu lo por yega te hasta na esunnan cu solamente lo por ta un influencia si bo por convence nan mente”

Diana su caminata door di e campo di mina 7 luna prome cu el a fayece den un accident den automobil ta solamente un di e hopi ehempelnan cu tin di con su persona a yuda haci cu e monarkia tabata uno mas accesibel, cambiando e manera cu e famia real tabata relaciona cu hende. Pa medio di interaccion mas intimo cu e pueblo, bahando na e nivel di un mucha, sintando banda di pashentnan riba cama di hospital, skirbiendo notanan y cartanan personalmente pa e fanaticonan, el a logra conecta cu hopi mas hende den e manera ey, cual a inspira hopi otro realesanan, incluyendo su yiunan homber Prins William y Prins Harry, haciendo cu e monarkia a logra bira uno mas humano y keda relevante te hasta den e century aki.

Diana no a inventa e idea di realesanan bishitando hende menos afortuna, of personanan cu problema. Reina Elizabeth II mes a yega di bishita colonianan cu tabatin lepra den aña 1956 na Nigeria. Sinembargo Diana a hasta tene contacto cu nan fisicamente, te hasta dunando nan un brasa.

 

“Diana mes tabata un persona cu tabata gusta duna hende brasa” Sally Bedell Smitch ta conta, autor di “Diana in Search of Herself.” “E tabata visibelmente hopi tactil den e manera cu e tabata interactua cu otro personanan. E no tabata algo cu e reina tabata sinti confortabel, y te ainda e no ta.”

Criticamente, e tabata sa cu e interaccionnan aki lo trece atencion riba su causanan pa motibo cu e tabata altanto cu fotografonan y ekiponan di television tabata sigui su persona unda cu e tabata bay.

10 aña prome cu el a brasa y interactua cu e victimanan den Angola, el a duna man cu hopi muchanan hoben cu tabata pashentnan di AIDS den London durante e comienso di e epidemia, mustrando e pueblo cu e enfermedad no tabata por ser transmiti pa medio di contacto fisico.

Na momento cu su matrimonio cu Prins Charles a cuminsa deteriora, Diana a usa e mesun tecnicanan aki pa por conta su banda di e storia. Brasando su yiunan y semper ricibiendo nan cu mannan habri pa demostra e amor cu e tabatin pa su yiunan, sintando su so dilanti di Taj Mahal durante un biahe real na India y canando door di e campo di mina aki mientras cu e tabata cuminsando un bida nobo despues di su divorcio.

“Diana a compronde e poder di un imagen, y e tabata su cu un fotografia ta bal mas cu 100 palabra,” Ingrid Seward, hefe di redaccion di Majesty Magazine y autor di “Diana: Un potret Intimo” a comenta. “E no tabata un persona intelectual. Y nunca e lo a por bisa e palabrando adecua. Pero si semper el a duna e imagen adecua.”

Y esaki a cuminsa riba e dia cu e señorita Diana Spencer di 20 aña a casa cu Prins Charles, heredero di e trono, riba 29 di juli den aña 1981 na St. Paul’s Cathedral.

Elizabeth Emanuel, ken a diseña e shimis di bruid, a describi e evento y a compara esaki cu e transformacion di un pop di barbulet pa barbulet, of den e caso aki, un juffrouw di crèche cu tabata bisti sweater y saya, pa un princes manera den cuento di hada.

“Nos a bisa, wel, ban haci e shimis mas grandi y dramatico cu ta posibel, un shimis cu ta sali for di un cuento di hada. Ban haci e shimis grandi, cu manga grandi.” Emmanuel a bisa, agregando “St. Paul’s tabata asina grandi cu nos tabata sa cu nos mester a haci algo cu lo keda den memoria di e pueblo, y Diana tabata completamente cla pe, e a gusta e idea masha hopi mes.”

Sinembargo, Emanuel ta comenta cu Diana tabatin un simplicidad den su persona cu ta loke a yuda haci cu e tabata un persona mas accesibel pa e pueblo.

“E tabatin un persona un poco vulnerabel, y mi ta kere e tabatin mustra esaki pa personanan cu tabata ordinario por a relaciona nan mes. E no tabata perfecto, ningun di nos ta, y mi ta kere cu ta pa e motibo aki e pueblo tabata sinti cu e tabata mane un famia, nan tabata sinti manera nan conoce caba.”

Su influencia por ser mira den otro miembronan di e famia real tambe, manera por ehempel Sophie, condesa di Wessex y casa di e ruman homber di Prins Charles, Prins Edward, cu a laga lagrima cay den television ora cu el a papia tocante e fayecimento di Prins Philip.

Cowan a clausura comentando “Diana tabatin e capacidad di yega na hendenan y causa inspiracion den nan.”