(TMZ) – Jennifer Lopez aparentemente no tabata hopi contento di tin cu comparti escenario cu Shakira, y awo nan fanaticonan a drenta un debate tocante cua di nan dos ta e celebridad mas exitoso.

E pregunta aki a ser treci dilanti riba un publciacion haci na Twitter, cual desde su publicacion a bira viral causa cu varios persona a comenta y duna nan opinion. E publicacion original a declara cu “Shakira nunca den su carera tabata mas exitoso cu J.Lo y mi stima Shakira.”

E motibo cu esaki ta un topico ta pa motibo cu den e documental nobo di J.Lo titula “Halftime,” cual a lansa na e festival Tribeca, Jennifer ta express disgusto cu e presentacion na Super Bowl. Segun e reportahenan, e pelicula aki ta documenta kico a ser inverti den e show aki di Haltime cu ambos Jennifer y Shakira a duna den ana 2020. Jennifer aparentemente a bisa “Esaki ta e pio idea den mundo, pa tin 2 persona haci e show di Super Bowl.. Pio idea den mundo.”

E documental ta continua mostrando cu tibetan algun desacuerdo entre su persona cu Shakira, ken durante training a comenta cu e canticanan mester cambia di un pa otro di un manera sutil, cual ta e guia di NFL, sinembargo Jennifer ta contesta bisando “si e tabata bay ta dos persona haciendo e show, nan mester a duna cada un di nos 20 minuut. Esey ta loke nan mester a haci.”

Su manager, Benny Medina, ta express cu “e tabata un insulto pa pensa cu bo tin mester di dos latina pa haci e trabao cu un artista a haci den historia.”

Aki ta unda e discussion a cuminsa riba redman social, cu hopi persona argumentando cu Shakira ta e artista global cu Jennifer y su ekipo ta kere cu Lopez ta, por lo menos segun e usuarionan riba e plataforma.

Varios persona a sali na defensa di Shakira, senalando e varios logro cu e tin y bentanan global cu ta aparenta di ta mas halto cu esun di Jennifer.

Algun a hasta agrega cu Lopez no ta famoso pa su musica na Merca, sino pa su beyesa, curpa y/of parehanan cu e tibetan of tin actualmente.

En general, e publico no ta ricibiendo di bon manera e honestidad brutal tocante Jennifer su sentimentonan pa cu e presentacion na Halftime ni tampoco tocante e hecho cu e mester a comparti e escenario cu Shakira. Algun ta mirando esaki como Jennifer siendo un poco narcisista y un “diva” cu e connotación negativo di e palabra. Otronan ta elogia Jennifer pa su honestidad