Fanaticonan di Kim Kardashian ta exigiendo pa sa si el a vota pa presidente Trump, ex-vicepresidente Joe Biden, of su esposo Kanye West den eleccion presidencial 2020.
Maske e strea di ‘Keeping Up with the Kardashians’ a expresa sosten pa Kanye, e no a dun’e su apoyo explicitamente ni a revela na fanaticonan si el a vota pa su esposo. Dia 3 di november, Kardashian, di 40 aña di edad, a post un selfie di su mes bisti na cora cu un sticker bisando ‘ami a vota’. El a skirbi: “ami a VOTA!!!! Y abo???”
Kardashian a agrega: “Si bo ta den linea na momento cu e orario di operacion ta cera na e urna, nan ta rekeri di keda habri y permiti bo pa vota, pues no sali di e linea.” Despues el a elimina e potret di color y a cambi’e pa un potret na blanco cu preto despues cu fanaticonan a asumi cu su paña cora ta indica cu el a vota pa Trump.
“E hecho cu bo a post e mesun potret cu color anteriormente y bo top ta cora, dunando bo siguidonan indicacion cu bo ta votando cora, ta asina un decepcion y pa ta honesto, ta iresponsable sabiendo e clima den cual nos ta actualmente”, un fanatico a skirbi.
“Pa ken bo a vota Kimberly?” otro fanatico a puntra abiertamente.
Kardashian ainda no a revela si el a vota pa West, di 43 aña di edad, kende a vota pa su mes diamars.
