(TMZ) – Organisadornan di e festival ta trahando pa yega na un areglo pa cu e tragedia cu a tuma luga na Travis Scott su Astroworld.
Nan a logra yega na un acuerdo cu un di e victimanan su famia, cual ta marca e prome areglo di tur e casonan relaciona cu e festival musical cu a termina siendo un festival mortal pa varios persona cu a atende esaki.
Abogado Tony Buzbee, ken ta representando e famia di Axel Acosta, a conta TMZ cu e famia a yega un acuerdo despues di a entrega demanda contra di Travis, Live Nation y otronan.
E hoben di 21 aña Axel a fayece di heridanan cu el a sufri na e concierto cu a tuma luga den november di aña 2021. Buzbee anteriormente a conta cu Axel a biaha for di Washington pa mira e festival na Houston y tabata un gran fan di Travis Scott. E terminonan di e areglo ta confidencial segun Buzbee, y e famia kier pa corda Axel como un yiu cu tabata “stima, un ruman cu tabata stima y un studiante cu tabata stima” ken tabata “un persona cariñoso y amabel.”
Mientras Travis ta cla cu e prome di varios demanda den su contra, e banda legal ta leu di ta cla. Tabatin 10 persona en total cu a fayece na Astroworld, y Travis te ainda ta lidiando cu demandanan entrega pa otronan cu tambe a ser impacta pa e incidente tragico aki.
Segun fuentenan cercano na Travis Scott, “ningun miembro di Travis Scott su ekipo a keda involucra den ningun areglo di Astroworld. Ademas, aunke Travis ta involucra den e demanda y/of menciona, e persona/compania cu lo paga e suma den e areglo lo ta Live Nation y no Travis Scott mes.
