E mesun bufete di abogado na Hulanda ta representa e 5 polis sospecha di morto di Mitch Henriquez y otro polis cu lo funghi como testigo den caso aki. Pa motibo di esaki experto y mama di Henriquez tin miedo di conflicto di interes. Nan tin miedo tambe cu e bufete lo traha un ‘storia’ enbes di busca e berdad, pues kico a pasa realmente riba e dia fatal pa Mitch.
Esaki e fuente Hulandes RTL Nieuws a publica. E mama di Mitch, Maria, ta na Hulanda awor hunto cu su yiunan pa papia cu husticia y bishita e luga (Zuiderpark na Den Haag) unda Mitch a keda deteni. Riba e website di e fuente menciona por mira un video tambe.
