Fin di siman Aruba a haya e tristo noticia di un hoben di 20 aña cu a muri den un circunstancia cu ta den investigacion, segun loke Cuerpo di Polis Aruba a duna di conoce.
Ta trata di Luisangel Figueroa cu tabata traha como DJ e cual lastimamente a fayece na hospital despues cu a cay for di piso tres di e parkinglot di un mall conoci na area di Palm Beach na Aruba, te ainda no ta conoci di forma oficial con e suceso aki a tuma luga.
Familiarnan cu ta na Venezuela a publica un video na unda nan ta solicita na prome minister Evelyn Wever-Croes y henter gobierno di Aruba nan colaboracion pa asina nan por drenta Aruba y duna e support cu e famia tin mester na e momentonan aki.
Nan a enfatisa cu nan no ta pidi placa pa por drenta na isla, e tanta di e hoben Maricruz Rondon y e wela Rosa Arcia a clarifica cu nan ta pidiendo un ayudo pa asina nan por haya un visa y duna apoyo na su ruman cu ta biba na Aruba for di basta añanan caba.
E tin mester di nos ayudo, nos no ta pidi placa, solamente nos ta pidi pa nan duna nos entrada na isla pa nos por despedi di nos familiar, di nos yiu, y alabes nos ta pidi husticia pa e caso lo wordo clarifica” nan ta pidi husticia pa motibo cu nan ta sigura cu e hoben a wordo asesina, aunke esey no ta confirma ainda, hopi comentario y videonan ta core rond riba rednan social di e caso aki cu ta den man di instancianan concerni.
