Temporada di Pasco 2013 e famia Canades Kirk y Lissa a dicidi di haci un diferencia pa nan comunidad na Canada. For di eynan nan a yuda hopi hende den necesidad te cu nan a yega Aruba.
E tata di Lissa a introduci nan na Aruba e siguiente aña y nan a keda regresa tur october. E sentido cu nan kier yuda hasta durante nan vakantie riba nos isla, a keda y asina nan a yuda cu trabou boluntario manera limpia beach, duna buriconan salba cuminda y yuda pa bestianan den shelter haya un cas nobo. Despues nan a dicidi cu nan kier yuda muchanan bayendo scol. Asina nan a comunica cu Miriam Rodriguez y Luigi Heredia di Costa Linda Beach Resort pa puntra nan si nan por yuda pa haya contacto cu un scol cu mester di material. Sra. Rodriquez a traha un lista di material y sr. Heredia a haya un scol cu un necesidad grandi. Asina nan a yega na Graf Von Zinzendorf Kleuterschool na San Nicolas. E dia cu Lissa y Kirk a bay entrega e material y tambe lunch, nan tabata encanta cu e reaccionnan di e muchanan y maestronan. Otro aña sigur e turistanan Canades lo bin bek na nan scol adopta y sigui yuda.
