Ultimo dianan ta circula un noticia cu ta aparenta di ta di Oil & Gas Journal, un revista estableci den e mundo petrolero, ta haci anuncio di un paro di banda di Citgo di e proyecto di rehabilitacion di e refineria na Aruba.
Esaki en bista di un investigacion di autoridadnan Mericano y Hulandes, tocante un supuesto envolvimento di dos ministro di Aruba den un intento pa laba placa via Aruba. Aparte di cu esaki ta un noticia demasiado grandi pa por kere sin mas pa substancia esaki, tabata obvio cu e articulo ta traha cu diferente eror di idioma aden, cu no ta normal den publicacionnan na nivel mundial di e medio referi. Tambe e articulo no ta aparece ningun otro caminda riba internet, asina leu cu nos averiguacionnan ta yega.
Como medio di comunicacion responsabel, cu tin custumber di dobel check loke nos ta publica, pa preveni cu persona o organisacion uza nos publicacionnan pa e tipo di weganan aki. Ta keda naturalmente pregunta ken ta tras di e tipo di ‘fake news’ aki, cual ta dificil pa haya sa.
