FILE - In this March 29, 2018, file photo, the logo for Facebook appears on screens in New York's Times Square. Facebook's effort to establish a service that provides its users with local news and information is being hindered by the lack of outlets where the company's technicians can find original reporting. The service, launched last year, is currently available in some 400 cities in the United States. But the social media giant said it has found that 40 percent of Americans live in places where there weren’t enough local news stories to support it. (AP Photo/Richard Drew, File)

E esfuerso di Facebook pa establece un servicio cu ta duna usuarionan noticia y informacion local ta limita pa e falta di ‘outlets’ unda e tecniconan di e compania por haya reportahe original.

E servicio, lansa aña pasa, actualmente ta disponibel den como 400 ciudad na Merca. Pero e gigante di red social a bisa cu el a haya cu 40 porciento di Mericanonan ta biba den luganan unda no tabatin suficiente noticia local pa sostene e servicio.

Facebook a anuncia dialuna cu lo cuminsa comparti su investigacion cu academiconan na universidadnan di Duke, Harvard, Minnesota y North Carolina, kende ta studiando e alcance di ‘desiertonan noticiero’ crea pa ceramento di corant local y downsizing di empleadonan.

Como 1800 corant a cera na Merca durante e ultimo 15 aña, segun Universidad di North Carolina. Cupo di trabou na noticiero a baha cu 45 porciento, mientras e industria ta lucha cu un model di negoshi kibra en parti pa e exito di companianan riba internet, incluyendo Facebook.

E servicio di Facebook, yama ‘Today In’ (Awe na), ta colecta storianan di noticieronan local hunto cu gruponan di comunidad y gobierno. E compania ta considera un comunidad no apropia pa ‘Today In’ si no por haya un solo dia den un luna cu sikiera cinco noticia disponibel pa comparti.

“E ta afirma e hecho cu nos tin un falta real di reportahe original local” a bisa Penelope Muse Abernathy, un profesor na North Carolina kende ta studia e topico. El a bisa cu e ta spera cu e data lo yuda revela areanan unda e necesidad ta mas grandi, eventualmente hibando na algun idea pa solucion.

Facebook no necesariamente tin contesta. “Tur hende ta siña di traha hunto” Anne Kornblut, director di iniciativa di noticia na e compania, a bisa.

E compania tin plan pa duna como 100 beca, entre $5,000 y $25,000 cada un, na hende cu idea pa haci mas noticia disponibel, segun Josh Mabry, hefe di sociedad di noticia local na Facebook. Esey ta bin ademas di $300 miyon na beca cu Facebook a anuncia pa yuda programa y partnership diseña pa impulsa noticia local.

Sinembargo, Kornblut a bisa cu e compania no tin plan di lansa su propio esfuerso di colecta noticia. “Nos historia ta – y probablemente nos lo sigui asina – pa laga periodistanan haci locual nan ta haci bon, y permiti nos duna nan sosten y laga nan haci nan trabou”, el a bisa.