Añanan 2010 a mira cambionan grandi den e forma con nos ta interactua cu mundo: awo nos ta tuma lift di hende desconoci a traves di plataforma manera Uber y Lyft, nos ta huur cas di otro hende a traves di Airbnb y Vrbo na luga di reserva un hotel. Den curason di tur esaki, tin un cos den comun: appnan mobil.
Na 2019 so, hende rond mundo ta na caminda pa download un record di 120 biyon di app a traves di aparatonan iOS y Andtroid – un aumento di 5% compara cu aña anterior, segun un reporte dialuna di compania di analitica di app, App Annie.
E cantidad aki ta representa unicamente download nobo, no re-instalacion of actualisacion, e reporte a nota. Gasto riba app ta aumentando ainda mas lihe, acercando $90 biyon mundialmente e aña aki – un aumento di 15% compara cu aña pasa. Mayoria di e aumento di gasto ta impulsa pa weganan mobil, editor di potret y video, y appnan di entretenimento, cual ta spera lo continua den 2020 cu lansamento di servicionan di streaming nobo, manera Disney Plus, segun e reporte.
Entre e appnan mas download den e decada, Facebook y su famia di app – Messenger, WhatsApp y Instagram – a tuma e posicionnan top; a pesar di e scandalnan, mayoria pa privacidad, durante ultimo par di aña. Appnan di comunicacion y rednan social a conta pa shete di e top 10 pa locual ta download e decada aki.
Aki bou top 10 app mas download di añanan 2010:
Facebook Messenger
WhatsApp Messenger
Snapchat
Skype
TikTok
UC Browser
YouTube
