Facebook ta considerando un blackout di aviso politico riba su red social den dianan prome cu eleccion Mericano na november, segun un reporte diabierna di Bloomberg. Un prohibicion riba aviso politico, cual segun reporte no a ser finalisa, por yuda reduci critica riba Facebook prome cu eleccion presidencial 2020.
Facebook ta acusa di no haci suficiente pa combati desinformacion, incluyendo mentira di politiconan kende tin excencion di fact-checking riba e plataforma.
CEO Mark Zuckerberg a defende posicion di Facebook, bisando cu companianan priva no mester haci decision riba aviso politico. Red social rival Twitter si a prohibi avisonan politico aña pasa.
Anteriormente e luna aki, Facebook a bisa cu lo lansa un centro di informacion di votador nobo como parti di un esfuerso pa pone 4 miyon persona registra pa vota den eleccion Mericano 2020. Tambe a anuncia cu lo permiti algun persona stop tur aviso politico si nan no kier mir’e.
Facebook tambe ta enfrentando un boycott di aviso actualmente, organisa pa gruponan di derecho civil, bisando cu e compania no ta haci suficiente pa combati lenguahe di odio riba su plataforma.
