E fabricante di un pesticida usa comunmente cu a vincula na daño celebral den mucha lo stop di produci e kimico e aña aki.
Corteva Inc. a bisa diahuebs cu lo stop produccion di chlorpyrifos pa fin di e aña aki. A cita demanda decayendo y tiki benta pa e pesticida.
E decision ta yega despues di añanan di critica ambientalista contra e kimico di agricultura, y ta move pa prohibi esaki na tanto California como New York.
California a prohibi benta di chlorpyrifos cuminsando diahuebs, despues cu reguladonan estatal a bisa cu ta vincula cu problema di salud den mucha, incluyendo daño na cerebro.
Ta usa chlorpyrifos den cultivo incluyendo citrus, catuna, druif y almendra.
Corteva – cu a separa aña pasa despues di e union di DuPont cu Dow Chemical – a bisa cu demanda pa chlorpyrifos na Merca ta menos di 20% di locual e tabata 30 aña atras. E compania a bisa cu tabata un decision di negoshi pa stop su produccion, y a reafirma cu ta kere cu e producto ta sigur.
Agricultornan lo ta capaz di cumpra suficiente chlorpyrifos pa uza te cu fin di aña, Corteva a bisa.
Gruponan ambientalista a aplaudi e fin di produccion di e kimico.
“Esaki ta un victoria pa nos muchanan, agricultornan y comunidadnan rural den e nacion”, segun Jennifer Sass, cientifico senior na Natural Resources Defense Council. “Despues di añanan di presion y preocupacion publico, por fin por mira e fin di chlorpyrifos.”
