(AP) – Pa prome baha, un compania di farmaceutico a pidi permiso y aprobacion pa por bende anticonceptivo na Merca.
HRA Pharma su aplicacion riba dialuna ta crea un decision di gran importancia pa reguladornan di salud den medio di batayanan legal y politico tocante e salud reproductivo di muhenan. E compania ta bisa cu e peticion aki no ta relaciona cu e decision recien di Corte Supremo su decision.
Pildonan basa riba hormona tin hopi tempo den uso siendo e manera mas comun di controla embaraso na Merca, usa pa miyones di muhenan desde aña 1960. Semper nan a rekeri un receta, generalmente pa e dokternan por monitor condicionnan cu ta aumenta e riesgo di cuahulo di sanger cu ta poco comun, pero peligroso.
E fabricante Frances su aplicacion a bini cu añanan di investigacion cu e intencion di convence Food and Drug Administration cu muhenan por evalua nan mes pa e riesgonan aki y haci uso di e pildonan aki di un manera efectivo.
“Pa un producto cu tin mas di 50 aña disponibel, y ta den uso di manera sigur pa miyones di muhenan, nos a pensa cu e ta tempo pa haci esaki mas disponibel,” Frederique Welgryn, hefe di strategia di HRA a declara.
Un aprobacion di FDA por bini otro aña y lo aplica solamente na e pildo di HRA, cual lo por ser bendi bao di su nomber original, Opill. E compania a adkiri e pildo di decadas atras for di PFizer den aña 2014, aunke actualmente e no ta promovi na Merca.
Personanan cu ta boga pa derechonan reproductivo kier mira otro anticonceptivonan tambe bira accesibel di e manera aki, y eventualmente pa pildonan di aborto tambe.
E potencial cu e decision aki ta trece un biaha mas ta laga FDA bao di un ‘spotlight’ politico intenso.
Aña pasa, e compania a ser critica pa oponentenan di aborto y elogia pa gruponan cu ta boga pa derechonan di hende muhe ora cu nan a haci pildonan pa aborto mas accesibel. E agencia a enfrenta presionnan politico similar den aña 2006 ora cu nan a aproba e benta di anticonceptivo di emergencia Plan B.
Varios grupo conservativo ta enfatisa cu nan ta solamente interesa den reduci y/of restringi aborto, y e prohibicionnan di estado hopi biaha ta exclui anticonceptivo.
Te hasta prome dialuna su anuncio, autoridadnan democratico tabata haciendo yamado na FDA pa considera e peticionnan aki hopi bon. “Nos ta urgi FDA pa revisa e aplicacionnan aki sin retraso y basa solamente riba e datonan,” mas di 50 miembro di House’s Pro-Choice Caucus den un carta manda den maart.
Varios medicamento comun a haci e cambio di ta a base di receta pa ta na benta, incluyendo pildonan pa alivia dolor, problemanan di curason y alergia.
Den cada caso, e compania mester demostra cu e consumidor por compronde e medicamento su descripcion y instruccion, evalua su riesgonan y haci uso di esaki di un manera efectivo y profesional sin supervision. HRA a dedica 7 aña na conduci e estudionan cu FDA ta rekeri, incluyendo un test cu a sigui 1,000 hende muhe haciendo uso di su pildo pa 6 luna.
