FAA ta bisa cu tecnologia lo yuda evita algun aterisahe peligroso

(AP) – Oficialnan federal a bisa diaranson cu nan a completa arma 43 aeropuerto Mericano cu tecnologia pa adverti ora cu un avion binidero ta dirigi na un terminal na luga di e caretera.

E asina yama ‘taxiway’, ta un area crea pa e avionnan usa pa drenta den posicion pa ora di sali for di aeropuerto of pa yega na e terminal despues di aterisa. Mayoria caso di avion aterisando riba ‘taxiway’ ta trata di “aviacion general”, pues avionnan chikito priva, sinembargo 16% ta trata di vuelonan comercial segun FAA.

Federal Aviation Administration a bisa cu e sistema su programa ta premira ora cu un avion ta den posicion pa aterisa riba ‘taxiway’ y alerta e controladonan di trafico aereo. Ningun di e aterisahenan peligroso recientemente a trata di un avion den e posicion incorecto, sinembargo e tipo di eror aki a casi resulta den un desaster na San Francisco International Airport den aña 2017.

National Transportation Safety Board a recomenda e cambio di tecnologia despues di e incidente den cual Air Canada a hera dal den 4 otro avion cu tabata para na e terminalnan anochi. E hunta di siguridad tambe a recomenda pa rekeri cu e avionnan aterisando na aeropuertonan grandi tin sistemanan pa alerta e piloto si nan no ta den posicion corecto. FAA a bisa cu te ainda nan ta considerando e recomendacion aki. Avionnan comercial ya caba tin otro ekiponan cu ta yuda e piloto alinea cu e caretera na aeropuertonan grandi.