Departamento di Asuntonan Economico, Comercio y Industria y su unidad Exprodesk, ta organisa den colaboracion cu Full Stack Vision FND y facilita door di MATEVO Multiverse e proyecto ‘Arubaverse 2.0’.
Pa esaki, Sharon Meijer-van der Linden Policy Advisor na Departamento di Asuntonan Economico a informa cu e proyecto ta bay tin varios tayer/meet ups mensualmente for di augustus 2023 pa maart 2024. E prome meetup ta bay tuma luga awe diaranson 30 di augustus na Departamento di Asuntonan Economico, Comercio y industria for di 6:30pm pa 7:30pmm unda e participacion ta gratis y e idioma ta bay ta Papiamento y Ingles.
Pa esnan interesa por participa mester registra na: https://arubaverse.io/
Meijer-van der Linden a anuncia cu e proyecto ‘Arubaverse 2.0’ ta organisa pa tur entrepreneur y comerciantenan local. Durante e meetups di ‘Arubaverse 2.0’, participantenan ta bay ricibi informacion tocante ‘Free Artificial Intelligence (AI) tools’, digital assets latest trends, con AI por yuda adapta of crea un modelo comercial nobo, user-centric design principles, conocemento di computing systems y nan aplicacionnan practico, mercadeo digital, data-driven decision-making, simplificacion di conceptonan di algoritmo y structuranan di data, blockchain, e futuro di e pagonan digital, bienes digital/NFT y otro informacion.
Tambe durante henter e proyecto ta pidi tur participante pa bin cu nan laptop pa asina experiencia pa nan mes den un forma practico con pa aplica inmediatamente na tur loke nan a siña.
Pa esaki, ta bay tin varios orador local y internacional durante e proyecto, unda cu pa dia 30 di augustus 2023, ta bay ta presente tin e orador Germille Geerman y Ruben Metevosyan di MATEVO Multiverse y tambe Bruce Harms di Full Stack Vision FND.
Pa mas informacion over di e proyecto ‘Arubaverse 2.0’, por tuma contacto cu Sharon Meijer via: s.meijer@deaci.aw pa participa mester registra na: https://arubaverse.io/ y e participacion ta gratis.
