Diaranson anochi a inaugura exposicion internacional temporario di Nexus 1492 ‘Caribbean Ties/ Lasonan Caribense na museo Arkeologico Nacional Aruba, hunto cu fundacion 1403, cu a haci posibel pa trece na Aruba.
Exposicion lo dura un aña na e sala di exposicion temporario di e museo. ‘Caribbean Ties’ ta e final di e proyecto NEXUS 1492 lidera pa universidad di Leiden. Nan a traha cu diferente instancia di diferente pais den region Caribense.
Durante investigacion importante a bin cu idea pa mustra den exposicion cu ta mustra e patrimonio, cultura indigena y su balor contemporaneo. Museo Arkeologico di Aruba, hunto cu tur e otro departamento cu a colabora cu e proyecto, ta invita comunidad pa por pasa bishita exposicion asina por admira y siña di cultura y historia di indigena.
