(AP) — Lider di e coalicion di paisnan exportador di gas ayera a bisa cu e grupo ta spera cu demanda pa e combustible ta bay ta hopi mas cu e suministro te cu 2025 memey di un energia global di crisis impulsa pa e guera na Ucrania.
Secretario General di e Forum di Paisnan Exportador di Gas, Mohamed Hamel di Algeria a bisa na e reunion di e grupo na Cairo cu maske inversion ta aumentando den produccion di gas natural, e paisnan no ta spera di ti fuentenan nobo di suministro online pa al menos otro tres aña. “Nos ta kere cu e preta den e mercado aki ta bay keda cu nos te probablemente 2025 of 2025 ora e proyectonan nobo cu ta desaroyando bin den e linea”, el a bisa na un conferencia di prensa ayera, presencia pa algun minister di Energia di miembronan di e coalicion.
Prijs pa gas natural a bira haltisimo mundialmente despues di e invasion Ruso di Ucrania e aña aki. Memey di sancion imponi riba e sector di energia Ruso, hopi di Union Europeo cu antes tabata depende riba Rusia pa 40 porciento di su suministro ta luchando pa haya alternativa.
Rusia a reduci of stop suministro di gas natural na 13 pais miembro di UE mientras gobiernonan Europeo ta reforsa nan sosten pa Ucrania den forma di arma, placa, ayudo y sancion economico contra Moscu.
E potencial pa escasez a conduci na un aumento den prijs di gas y electricidad cu por continua den aumento mientras demanda ta peak durante lunanan di winter.
Minister Ruso di Energia, Nikolai Shulginov a atende e reunion na Cairo pero no a duna ningun declaracion publico.
Minister Egipcio di Petroleo y Recursonan Mineral, Tarek el-Molla mientras tanto a bisa cu e pais ta purbando pa aumenta su capacidad pa exporta LNG (liquefied natural gas) memey di e necesidad mundial actual. Anteriormente e aña aki, Egipto y UE a anuncia un acuerdo cu lo mira LNG di e pais Nort Africano extrai pa Israel.
E reunion di e coalicion basa na Qatar ta yega apenas algun siman despues di un decision di OPEC pa corta produccion, cual a genera critica di lidernan mundial.
Ministernan di Energia a reduci produccion pa 2 miyon bari pa dia, mas di loke a spera, cuminsando na november, despues di un reunion na comienso di october pa nan prome encuentro cara-a-cara na e sede di e cartel di petroleo OPEC na Viena desde comienso di pandemia di Covid-19.
