Afdeling Health Promotion di Departamento di Salud Publico hunto cu nos coleganan di Plataforma Promocion di Salud ta extende un cordial invitacion pa pasa bishita nos na Expo Promove Salud y Bienestar 2024.
Nos meta principal ta pa brinda completamente gratis un dia informativo na comunidad di tur edad riba e tema “Let’s talk about…Obesity – Ban papia di…obesidad! ”.
Nos lo tin mas di 25 diferente organisacionnan/compania/fundacion cu booth pa comparti informacion, material, premionan y weganan di actividad fisico pa nos comunidad di edad di mucha te cu adulto mayor.
Fecha: Diadomingo, 13 di october, 2024
Lugar: Renaissance Convention Center
Orario: 10:00 AM – 4:00 PM
Entrada y parkeo: Ta completamente gratis!
Full Aruba ta bon bini pa experiencia charlanan presenta pa nos medico specialistanan di Horacio Oduber Hospital (HOH) completamente gratis (programa adhunto).
Nos ta keda pendiente pa boso presencia y hunto nos logra pa Aruba tin un miho calidad y estilo di bida.
