Mas o menos 300 persona a keda confirma morto despues di explosion di dos vehiculo cu na Mogadishu diasabra pasa. Esaki ta e atake di mas violento den historia moderno di Somalia. Mas cu 30 persona a keda seriamente herida por medio di e explosionnan aki. Nan a keda transporta pa Turkia den airambulance militar dialuna despues cu minister di salud di Turkia a yega e capital di Somalia.
Dos ciudadano Mericano a fayece tambe den e atake aki. Cas Blanco na Washington a emiti un comunicado dialuna anochi condenando e atakenan aki, considerando e organisacionnan terorista como e ‘enemigonan di tur hendenan civilisa.’
