Astronomonan a descubri e explosion mas grandi mira den universo, originando di un black hole super masivo.
Cientificonan a reporta ayera cu e explosion a bin di un black hole den un cluster di galaxia 390 miyon aña luz leu.
E explosion tabata asina grandi cu a coba un crater den e gas cayente cu por contene 15 Via Lacteo (Milky Way), segun autor principal Simona Giancintucci di Naval Research Laboratory na Washington. Ta cinco biaha mas grandi cu e record anterior.
Astronomonan a usa Observatorio Chandra X-Ray di NASA pa haci e descubrimento, hunto cu un observatorio espacial Europeo y telescop riba tera. Nan ta kere cu e explosion a bin di curason di cluster Ophichus di miles di galaxia: un galaxia grandi den centro di un black hole enorme.
Black hole no ta djis hala materia aden; tambe nan ta expulsa jet di materia y energia.
E prome pista di e explosion gigante a yega na 2016. Imagen di Chandra di e cluster di galaxia Ophichus a revela un borde curva inusual, pero cientificonan a descarta un erupcion mirando e cantidad di energia cu lo tabata necesario pa coba un buraco asina grandi den e gas.
E dos observatorio, hunto cu data di radio di telescop na Australia y India, a confirma cu e curva ta en berdad parti di un buraco.
“E data di radio ta fit den e x-ray como un man den un glove”, segun co-autor Maxim Markevitch di Goddard Space Flight Center di NASA na Maryland. “Esaki ta locual ta indica nos cu un erupcion di tamaño sin precedente a tuma luga aki.”
Ta kere cu pa awo e explosion a termina: No tin señal di jet actualmente saliendo for di e black hole.
Mas observacion ta necesario den otro wavelength pa compronde miho kico a sucede, segun e team. E hallazgo a aparece den Astrophysical Journal.
