(NLTimes) – China ta birando cada biaha mas dominante den e mercado di wind farm na lama of produccion di hidrogeno berde. Esaki por trece consecuencia pa Europa.
“E consecuencianan geopolitico por ta grandi y lo directamente afecta e velocidad y gastonan di nos transicion di energia,” e instituto di investigacion TNO y Den Haag Centre for Strategic Studies a reporta.
E dos institutonan aki a conduci un analisis hunto cu ta demostra cu China casimente tin un monopolio riba e produccion di magneet permanente. E magneet aki ta un di e componente esencial pa fabrica turbinanan di biento. Den e añanan reciente, e pais Asiatico aki tambe ta desaroyando e mercado pa electrolisis rapidamente pa asina nan por haci hidrogeno berde. “E pregunta cu esaki ta trece ta si Europa lo scoge e electrolisador Chines aki, cual ta mas barata, of e lo inverti den su propio alternativa mas caro pa seguridad den e termino largo,” e specialista di e instituto a splica.
Dependencia riba productonan Chines por ta un riesgo, segun nan, “mirando cu relacionnan economico por deteriora diripiente a causa di e situacion den mundo.”
