Expertonan no ta contento cu e plan Hulandes tocante con den futuro lo soluciona guera cu e islanan. Awe nan lo combersa cu Tweede Kamer.

Ferfelamento tocante organisacion di eleccion? Financia no ta na ordo? For di Den Haag por interveni directamente den gobierno di e islanan. Tambe ora Aruba, Corsou y Sint Maarten haya cu ‘mandatario Hulandes’ ta abusa di e posibilidad ey.

Esaki ta causa guera politico. P’esey e deseo grandi di e islanan ta pa bini un sorto di hues cu independientemente por resolve e problema. Pero secretario di estado Raymond Knops (Relacionnan den Reino) no ta di acuerdo. Esaki ta segun e fuente Retkaribense.

Conseho di expertonan ta devastador
Cu esaki Knops a entrega un proposicion di ley diferente di esun cu a palabra, e expertonan ta conclui. Pa e motibo ey e areglo di disputa lo por tin tiki sentido.

Segun e proposicion di Knops, Raad van State awor por conseha so. Por pone e conseho ey un banda si un mayoria di Conseho di Minister di Reino ta haya cu tin ‘motibo crucial’ pa haci esaki.

Un diesseis mandatario Hulandes por vota, contra tres representante di Aruba, Corsou, Boneiro. Asina Hulanda por keda forsa su deseonan politico, e islanan ta teme.

E ley di Reino Areglo di Disputa
Pakico expertonan tin critica riba e proposicion di ley di secretario di estado Knops?
  • E palabracion tabata cu un tipo di hues independiente lo a trata esaki ora e islanan haya cu ‘Den Haag’ ta interveni sin motibo den na gobernacion. Ta manera gobierno Hulandes no ke duna e otronan poder. Remarcabel, e expertonan ta haya, pasobra esaki ta contra deseo di parlamento di Aruba, Corsou, Sint Maarten y di Hulanda.
  • E islanan tambe mester sostene e proposicion. Hulanda lo por a introduci e areglo di disputa di Knops su so. E ora ey esaki tin poco sentido, e expertonan ta avisa. Pasobra e ora ey lo tin guera, tocante con lo soluciona e guera. Y esaki despues cu a reuni nuebe aña tocante esaki.
  • E areglo di disputa aki no ta mustra asina solido. Expertonan ta asombra tocante un otro punto: conseho di minister di Reino segun Knops mester acepta solamente conseho cu ta trata di asuntonan ‘estrictamente huridico’. Pero ki ora ferfelamento tocante un decision politico ta solamente huridico of toch politico gubernamental? E liña ey sa ta ‘masha fini’, na ta avisa.
  • E areglo di disputa aki no ta klop segun e documento huridico di mas importante den Reino: Statuut. Kisas e punto di mas importante. Den Statuut tin para con e islanan y Hulanda mester anda cu otro, cua responsabilidad cada pais (Hulanda, Aruba, Corsou, Sint Maarten) tin y ki areglo mester tin. Segun e expertonan e acuerdo di disputa di Knops posiblemente no ta cuadra cu e ‘encargo’: articulo 12a di Statuut.

Awe diaranson tin audiencia den Tweede Kamer
Awe e miembronan di Tweede Kamer lo papia cu cuater cientifico. E islanan ta bisa cu nan ta sinti na mes fortifica den nan rason, awor cu cientifico tambe ta duna critica riba e proposicion di gabinete Hulandes.

Awor e islanan ta spera di haya sosten di miembronan di Kamer.
“E proposicion aki ta keda inaceptabel”, e presidente di parlamento William Millerson (PAR) di Corsou ta reacciona. Nos ta insisti pa bini un instancia independiente cu ta duna un conseho obligatorio.

Sint Maarten y Aruba ‘tambe ta riba e mesun liña’. E presidente di parlamento Arubano Ady Thijssen (MEP) ta bisa cu e ta ‘positivo’ pa cu e loke e expertonan a haya. “Esakinan ta punto cu nos papia di dje masha tempo caba.