(AP) — E supervisor di arma riba set di pelicula unda Alec Baldwin a tira y mata un cinematografo tabata bebe y huma marihuana den anochi durante e filmacion di “Rust”, segun fiscal ta alega, bisando cu probablemente e tabata guayaba na momento cu a hinca un bala di berdad den e revolver cu e actor a usa.
Nan a haci e acusacionnan diabierna siman pasa den respuesta na un mocion entrega luna pasa pa Hannah Gutierrez-Reed su abogadonan cu ta busca pa retira su acusacion di homicidio involuntario. E fiscal a acus’e di tin un historia di conducta descuidado y a argumenta cu lo ta den interes publico pa ten’e “finalmente responsable.”
Jason Bowles, abogado di Gutierrez-Reed, a bisa diamars cu e fiscalia a mal maneha e caso. “E caso ta asina zwak cu awo nan a scoge pa bay pa asesina caracter di Hannah,” Bowles a bisa Associated Press. “E fiscalia a bandona e idea di haci husticia y busca e berdad, aparentemente.”
Un audiencia preliminar pa Gutierrez-Reed ta programa pa augustus. Ta spera cu un hues ta bay dicidi e momento ey si tin causa probable pa e cargo contra Gutierrez-Reed sigui cana su caminda.
