(NLTimes) – Pronto lo experimenta cu transportacion aereo di sanger, medicamento y muestranan di laboratorio como parti di un partnership entre control aereo Hulandes y ANWB ademas di proveedor di telecomunicacion KPN.
E tipo di experimentonan aki a ser ehecuta den pasado pa haya maneranan eficiente pa usa e shelo como manera di evita e trafico druk, sinembargo awo lo conduci investigacion pa determina con e areglonan necesario pa usa drone aereo por ser haci.
E prome testnan lo tuma luga e aña aki entre hospitalnan na Isala localisa den Zwolle y Meppel. Dronenan cu un diameter di 240 centimeter lo ser usa, cual por yega un haltura mas halto di loke e dronenan mas familiar por yega. E dronenan mester por selecta e ruta mas cortico y lihe. E intencion ta pa nan por biaha usando corridor digital, unda cu tin un espacio separa pa nan ademas di aviacion regular.
Vuelonan di drone medico tambe lo por comunica cu e Unmanned Traffic Management System (UTM System) durante e vuelo, cual ta nifica cu e vuelo aki por ser ehecuta di manera mas eficiente y safe, entre otro. E prome vuelonan entre Isala ta plania pa prome mita di e aña aki. Mas despues den aña 2023, vuelonan lo por ser ehecuta den otro luganan manera e region di Rotterdam.
“Experiencia tambe lo ser genera den un espacio aereo mas druk, pa causa di e proximidad di e aeropuerto di Rotterdam-Den Haag. Pa medio di test e vuelonan di drone aki den dos diferente tipo di espacio aereo, experiencia ta ser adkiri den tur circunstancia posibel,” e iniciadornan a splica.
