E hefe di seccion di Epidemiologia, Maribel Tromp a bisa cu pa awe DESPA lo haya sa si Regulacion Internacional di Salud ta bay declara Zika como un problema di emergencia di salud publico. Esaki kiermen si berdaderamente Zika ta bira un problema internacional pa cu salud publico.
Eventualmente e declaracion aki talbes lo bin cu regulacion of medidanan hopi stricto pa kisas e islanan caminda tin hopi transmision di Zika. Teniendo cuenta cu esaki Despa tin contacto cu Oficina di Turismo di Aruba (ATA) y hunto cu Tripel A (Aeropuerto) y APA. Nan lo realisa un lectura riba Zika entrante e siman aki pa bin cu un sistema pa informa, no solamente e personal cu ta traha den e terminal di yegada na Aruba, pero tambe e persona of turista mes.
Tambe nan lo bin cu control pero si nan no lo realisa screenmento abordo, ya cu nan no por evita cu un persona malo no drenta Aruba. El a recorda cu Zika ta asina leve cu fei di cinco hende pa ehempel un so ta presenta e sintomanan.
Sra. Tromp a indica cu talbes organisacion mundial di salud lo bin kisas cu cierto restriccion dialuna awor. Den e caso sospecho di Zika cu nos tin actualmente na Aruba tin hendenan cu a bin di afo, specialmente fei Brasil, Colombia y tambe Surinam, caminda tin presencia di e virus aki, pues esaki ta haci cu e sospecho pa cu e casonan ta bira mas halto.
Algo delicado ta un 70 pa 80% di e casonan di e persona infecta ta “a sintomatico”, kiermen cu no tin sintoma di Zika y si nan ta presenta sintomanan, nan ta leve.
.jpg "Philipine van Aanholt 26 luga prome dia Laser Radial Weganan Olimpico")
