Expansion di canasta basico un prioridad na Sint Maarten

(TheDailyHerald) – Expansion di canasta basico ta bay ta un prioridad di ministerio di Turismo, Asunto Economico, Transporte y Telecomunicacion (TEATT) di Sint Maarten, Roger Lawrence. Esaki ta un di e medidanan cu e ministerio ta evaluando pa alivia e peso riba consumidornan.

“Mi ta poniendo mi team tambe dunando prioridad pa loke ta trata na expansion di canasta basico. No solamente canasta basico – por expande e lista actual di producto, pero tambe e tipo di producto y calidad. Riba cua productonan bo ta enfoca pa alivia e peso?” Lawrence a bisa The Daily Herald den un entrevista recien.

Otro medida ta un evaluacion di e calculacionnan di e clausula di fuel di compania di awa y coriente GEBE. Lawrence prome a aludi na e evaluacion durante e debate riba presupuesto 2022.

“Ta bay tin un evaluacion”, el a bisa. “E team ta haciendo un evaluacion pa loke ta trata e calculacionnan general, etc., y esey ta un trabao andando. Mi ministerio ainda ta haciendo e evaluacion. Ta haciendo esaki relaciona cu inteligencia accionable, departamento di estadistica y departamento di economia. Nan ta haciendo henter nan diligencia debido.”

El a continua: “Tabatin cantidad di discusion tocante e tarifa di entidadnan particular cu ta produci localmente loke nan ta bende. Kico por haci for di perspectiva di incentivo? Semper tin discusionnan riba tarifa pa ciudadanonan di edad avansa. Pues si, mester tin estudionan riba unda por haya e miho formula pa alivia e peso riba nos pueblo. E estudionan aki, si, ta haciendo nan, pero primariamente pa sigura cu nos ta alivia y cu bida ta un topico primario, y esakinan ta areanan cu nos ta evaluando pasobra tin varios componente cu ta bay conduci na e evaluacion completo en cuestion y cambia e concepto di costo di bida.”

Lawrence ta insisti cu prijs mester baha pa consumido. “For di punto di bista competitivo, nos tin suficiente competencia riba e isla pa loke ta trata reduccion di costo? Nos mester busca implementa leynan di competencia husto, of anti-competencia? Esakinan ta areanan clave cu mester evalua di cerca. Y esey tur ta parti di dirigi un destino exitoso y sostenible. E no ta bay pasa di un dia pa otro, pero mester cuminsa e discusion”, el a bisa.