E escena di arte na Aruba ta expandiendo den Oranjestad, dunando bin bini na e ultimo piesanan den e coleccion di arte mural den e capital. Cu 15 piesa nobo, caya grandi di Oranjestad a bira un tiki mas colorido.
Diahuebs anochi tabata uno di celebracion pa par artista local durante e Magnify Mural Expo organisa pa Ateliers ’89 Punto di Beyas Artes den caya grandi na Oranjestad. Den un evento chikito cu apoyo di amigonan, famia y bishitantenan special, tur 15 pintador—ken a participa den e tayer Making a Mural bao guia di Armando Goedgedrag—a revela nan piesanan di arte, contribuyendo na e coleccion di arte riba caya cu ta birando un di e atraccionnan mas bishita na Aruba.
Durante su discurso emocional, mentor di e tayer, Sr. Armando Goedgedrag, a expresa su gratitud na tur su studiantenan presente, como tambe na ken el a yama un mentor—director y curator na Ateliers ’89, Sr. Elvis Lopez. E dedicacion y pasion di Armando no a keda mira aprecio tampoco, como cu un studiante a tuma e oportunidad pa gradici e tambe pa su guia durante e tayer cu a dura cuatro siman.
Armando a menciona cu un di e tecnicanan cu su studiantenan tabata specialmente interesa den dje tabata “scaling”, esta traduciendo un pintura riba papel pa un canvas mas grandi. Y ta parce cu su lesnan tabatin su efecto; cada pintura di e participantenan tabatin un atencion impresionante pa detaye, y cierto aspectonan manera sombra y espacio a ser traduci riba e canvas enorme perfectamente. E expo di e mural a inclui varios piesa, tur cual aparentemente a sigui un tema similar: capturando e esencia di e naturalesa y animalnan di Aruba. Masha pabien na tur e artistanan cu nan logro impresionante!
E mural nobo aki ta situa patras di Big Bazaar Department Store den Caya Grandi.
