(NLTimes)—Vermeer, e prome exhibicion retrospectivo riba Johannes Vermeer (1632-1675) na Rijksmuseum ta habri awe. E exhibicion lo core te dia 4 di juni, pero e pintura famoso di ‘Girl with the Pearl Earring’ lo keda parti di e exhibicion solamente te cu 30 di maart.
‘Girl with the Pearl Earring’ ta un di Vermeer su obranan mas famoso. E lo ta parti di e exhibicion pa solamente 7 siman, pasobra Mauritshuis na Den Haag—ken a fia e museo e pintura—kier esaki debolbi prome cu e temporada di turismo cuminsa.
“Sin ‘Girl with the Pearl Earring’, nos lo desapunta hopi bishitantenan, cual lo nifica un perdida financiero,” director di Mauritshuis, Martine Gosselink, a conta NU.nl. El a enfatisa cu e regreso trempan di e pintura tabata parti di e prestamo for di comienso.
E exhibicion Vermeer ta bay ta un basta grandi, consistiendo di 28 pintura saca for di 14 museo y coleccionnan priva saca for di 7 pais. Rijksmuseum a bisa cu tabata “inespera” cu tin asina hopi obranan di Vermeer den e mesun luga na e mesun ora. Segun e museo, e exhibicion a bende mas cu 200.000 ticket prome cu nan a habri.
“Vermeer no a produci hopi pintura, pero e impacto di esakinan ta inolvidabel,” director di Rijksmuseum, Taco Dibbits, a bisa. “Den un mundo cu ta demanda hopi di nos banda constantemente, e calma y intimidad cu su obranan tin ta pone tempo para.”
