(AP) – Actor Angus Cloud, ken ta conoci pa su rol den e programa hit ‘Euphoria’, fayece a causa di un sobredosis di cocaina, fentanyl y otro substancianan den juli, segun el a informa diahuebs.
Cloud su causa di morto tabata “intoxicacion agudo” a causa di e “efecto combina di methamphetamine, cocaina, fentanyl y benzodiazepine,” Alameda County su Bureau di examinador medico a bisa. E oficina a confirma cu e sobredosis tabata uno accidental.
E actor a ser declara morto na cas di su mayornan dia 31 di juli na Oakland cu 25 aña di edad. El a interpreta e papel di Fezco “Fez” O’Neill den e serie di HBO “Euphoria.” Den un declaracion den e tempo aki, su famia a bisa cu Cloud tabatin tempo ta lucha cu e morto di su tata.
E “unico consuelo cu nos tin ta di sa cu el a reuni cu su tata, ken tabata su miho amigo. Angus tabata hopi expresivo tocante su bataya cu salud mental y nos ta spera cu su fayecimento por ta un recordatorio na otronan cu nan no ta nan so y cu nan no mester lucha nan so den silencio,” segun e famia a expresa den un declaracion.
