Landsrecherche a recientemente detene un ex-trahador di DIMP (Belastingdienst) relaciona cu un investigacion penal, cu el a posiblemente tuma placa bao mesa a cambio pa adelanta un cantidad di aangifte di belasting.
E sospechoso aki a wordo poni den detencion preventivo.
E investigacion ta andando.
Tabata siman pasa cu tabatin otro caso di detencion relaciona cu impuesto. Dia 30 di mei ultimo, afpakteam di Aruba a tene un accion na Caya Frere Johannes unda a detene un sospechoso relaciona cu malversacion y estafa. E sospechoso aki lo a malversa sumanan di placa di mas cu 2,4 miyon florin, cu el a ricibi di clientenan pa entrega na Belastingdienst. Durante e huiszoeking a tuma placa cash, joyas, administracion y computers den beslag. E investigacion no ta cla ainda.
Bon Dia Aruba a tuma contacto cu vocero di Ministerio Publico pa puntra tocante esaki, kende a indica cu dialuna awo lo ta duna mas informacion.
