(AP) — Nate Diaz y Jorge Masvidal ta cla pa un revancha. Sinembargo, esaki ta bay tuma lugar den un ring en bes di octagon.
E ex-titularnan di UFC ta bay enfrenta otro dia 1 di juni na e Kia Forum na Inglewood, California, den un partido di boxeo, segun promotornan a anuncia diaranson.
Diaz y Masvidal a bringa pa ultimo biaha den e evento principal na UFC 244 na 2019 na Madison Square Garden na New York. Masvidal a gana e pelea di MMA aki a traves di un knockout tecnico den e di cuatro ronda; e dokter na e ring a para e pelea pasobra Diaz tabatin un corta riba di su wowo, cu sanger bashando na su cara.
E biaha aki, nan ta programa pa bay 10 ronda na 175 libra den un evento yama “Last Man Standing.”
Diaz y Masvidal ya no ta activo den UFC. Diaz ta un agente liber, y Masvidal a retira, maske e ta keda bao contract cu e serie.
Diaz a haci su debut como boxdo profesional augustus ultimo den un perdida contra ex-YouTuber, Jake Paul. E unico pelea di Masvidal tabata na 2005 na Miami, un victoria contra Joseph Benjamin.
