(NLTimes) – E resultado preliminar di e eleccion na Sint Maarten riba dialuna a mustra cu 7 diferente partido a ser scogi pa forma e parlamento nobo cu 15 miembro. Esaki a resulta den un parlamento diverso. 3 partido a gana 3 asiento cada un, cu NA di ex prome minister Silveria Jacobs ricibiendo e cantidad mas halto di voto (2,264).
Su partido a keda sigui pa URSM di actual prome minister Luc Mercelina cu 2,230 voto y DP di veterano Sarah Wescot-Willims cu 2,069 voto.
Ex docente Jacobs tabata prome minister pa dos gobierno entre 2019 y 2024 y ta responsabel pa un panorama relativamente calma politicamente riba e isla. Tur cos aparentemente ta na caminda pa e forma un gobierno un biaha mas.
Na ta un di e partidonan mas grandi den e pais y a hunga un rol importante den varios gobierno e ultimo 20 aña. E ta un partido centrista, di mesun manera cu e partido DP funda den 1954. DP tambe tabatin hopi responsabilidad gubernamental den e ultimo decadanan. URSM ta popular mas tanto a causa di su lider, Mercelina, ken a bisa cu e kier haci e isla mas resiliente.
E unico partido nobo cu a logra un asiento ta SAM di ex parlamentario Franklin Meyers. Oliver Arrindell su partido OMC no a logra segura suficiente voto pa un asiento. Arrindell tabata den noticia luna pasa pa motibo cu a los tiro contra su auto y e fayecimento di su casa a causa di e atake aki.
Sint Maarten a pidi sosten di polis di otro paisnan den e parti Caribense di Reino Hulandes pa patruya e cayanan den preparacion pa e eleccion. Esaki a resulta den un cantidad relativamente halto di oficialnan riba caya sinembargo no a reporta incidente significante.
En total, 60% di e votadornan eligibel a vota y 13,964 voto valido a ser conta. El a tuma te cu 4or di mainta diamars pa conta tur voto y anuncia e resultado provisional.
