(CuraçaoChronicle) – Emsley Tromp, e ex president-director di Banco Central di Corsou y Sint Maarten ademas di Rene Laurents, ex director diputado, a ser declara culpabel di falsificacion di documento. Tur otro acusacion den nan contra a ser retira, incluyendo soborno ofocial y labamento di placa.

E caso aki ta trata sospechanan relaciona cu e compania di paña Curaçao Fashion Group (CFG). Laurents a funda e compania aki den 2009 bao peticion di Tromp pa Tromp su pareha den e tempo aki Y.M. de C.

E documento di e caso aki ta inclui un acuerdo di prestamo di dia 20 di mei 2009, declaracion cu Tromp a fia mas cu 400,000 dollar for di CFG. E cantidad aki a keda deposita directamente den Tromp su cuenta di pension, pero no tabatin evidencia cu a gasta esaki den trabao di preparacion pa CFG. Corte a conclui cu e acuerdo di prestamo tabata falso, sinembargo e transaccion no por ser legalmente clasifica como labamento di placa, cual a resulta den e retiro di e acusacion aki.

Mas sospecha di corupcion y labamento di placa ta basa riba un transaccion di casi 1.5 miyon dollar den september di 2015 for di compania Venezolano Enpiso na CFG. E Ministerio Publico (OM) a considera esaki como un pago na Tromp, relaciona cu negociacionnan entre Banco Central y Banco Activo tocante e adkisicion posibel di Girobank.

Sinembargo, Corte a haya cu no tin suficiente evidencia legal y convincente cu ta categorisa e transaccion aki como un soborno. Tampoco tabatin rol concreto di Tromp den e transaccion. Como consecuencia di esaki, e sospecha di labamento di placa tambe a keda reitra. Laurents a ser declara culpabel di falsificacion di documento.

Ambos tabatin posicion halto na Banco Central y ta spera di nan un integridad impecabel. Nan accion a traiciona e confiansa publico den gobierno.

E cobertura extenso den media y investigacion criminal tabatin un peso pisa riba Tromp, ken su nomber a ser susha y marca pa corucion. Corte a sentencia Tromp na un termino di 6 luna den prizon suspendi cu un periodo condicional di 2 aña. Laurents a ricibi un termino di 8 luna den prizon suspendi cu e mesun periodo condicional.

Mirando cu a retira mayoria di e acusacionnan den nan contra, Corte a dicidi contra impone un prohibicion di tin posicion den institucionnan financiero.

Ambos Emsley Tromp y Rene Laurents, ademas di Ministerio Publico (OM) tin 14 dia pa entrega un apelacion.