(TMZ) – E boda di Britney Spears a ser interumpi dramaticamente ora cu su prome casa Jason Alexander a presenta purbando di stroba e evento, resultando den cuerpo policial su presencia na e sitio.
Jason a bay live riba Instagram mientras e tabata acercando e sitio unda e bruid tabata tumando luga. El a acerca na seguridad y a bisa cu Britney a invita su persona y cu e tabata su prome y unico casa, despues el a bisa nan cu e tabata bay interumpi e bruid prome cu e intercambio a bira fisico. Alexander su telefon despues ta para e grabacion.
Di algun manera, Alexander a logra drenta Britney su cas unda cu el a continua e live stream riba Instagram. Eventualmente el a ser captura y inmobilisa pafo di e sitio. Ventura County Sheriff’s Department a ricibi notificacion di e incidente y a ser informa cu Alexander a traspasa y drenta e vivienda, y te ainda ta na e sitio.
Alexander a expresa sosten publico pa Britney durante e movemento “#FreeBritney”. El a hasta atende un manifestacion pafo di corte na Los Angeles den augustus di aña 2020 y a conta cu su persona y Britney recientemente tabatin comunicacion.
Britney y Jason a casa den januari di aña 2004, na Las Vegas y a divorcia apenas 55 ora despues.
