Diahuebs a bira conoci cu ex-minister Paul Croes a bira malo den detencion y a keda transporta pa hospital, pero despues di haci chekeo a bay back den detencion. Sinembargo, noticieronan local ayera a reporta cu Croes mester a bolbe hospital.
No ta conoci kico ta e problema di salud di e ex-mandatario. Sinembargo, riba rednan social informacion ta indica cu el a keda interna den hospital pa haci test y a keda bao observacion. No ta conoci cuanto dia e lo mester permanece den hospital.
Croes ta sirbiendo un castigo di 36 luna di prison pa entre otro labamento di placa y dirigi un organisacion criminal for di Cocolishi, en conexion cu caso Ibis.
